ازيكو يا بنات .. انا مش هطول فى الكلام .. المهم... انا عن نفسى بموت فى حاجه اسمها اندومى وبعمل دايت وبقالى فتره ماشيه عليه والحمد لله جايب نتيجه. المهم كنت هتجنن واكل اندومى وانا عامله دايت وخايفه ابوظ وبعدين جاتلى فكره انا مش هزود عن الف كالورى فى اليوم وبقيت اكل اندومى كل يوم يا اما غدا يا اما عشا
والفطار: نص رغيف عيش سن ومعاه فول من غير زيت او جبنه مع خيار او خس
الغدا : اندومى طبعا
العشا : تونه متصفيه بالبصل وفلفل رومى وخل ورغيف سن
او بيضتين مسلوقين ونص ريف سن او زبادى وواحده فاكهة
وبين الاكل لو جعت فاكهة او قرفه او خس او خيار
وكده انا عملت دايت وبردو باكل الحاجه اللى بحبها
على فكره كيس الاندومى الواحد مبيعديش 330 كالورى ولما نحطهم على باقى اكل اليوم كلو على بعضو ميزيدش عن الف كالورى
ملحوظه صغننه: مهم اوى مع الاكل السلطه علشان بتشبع , ومفيش مشكله لو شربت حاجه ساقعه دايت بس كوبايه واحده فى اليوم كفايه.
يارب اكون ساعدت بحاجه..